வத்தளையில் கடத்தப்பட்ட இளைஞன் மீட்பு - சம்பந்தப்பட்டவர்கள் பலர் கைது!

 

வத்தளை – எந்தலை பகுதியிலுள்ள தனியார் வங்கி ஒன்றிற்கு அருகில் கடத்தப்பட்ட இளைஞனை பொலிஸார் மீட்டுள்ளனர்.

இந்நிலையில், கடத்தப்பட்ட இளைஞனை விடுவிக்கும் நோக்கில் முச்சக்கரவண்டியில் வருகை தந்த இரண்டு சந்தேகநபர்களை பொலிஸார் கைது செய்துள்ளனர்.

எவ்வாறாயினும், இளைஞரின் சொகுசு வாகனம் ஜா-எல பகுதியில் உள்ள வணிக வளாகத்திற்கு அருகில் கைவிடப்பட்டுள்ளமை சிசிடிவி காட்சிகளில் பதிவாகியுள்ளது. வர்த்தகரான தனது தந்தையிடம் இருந்து கப்பம் பெறும் நோக்கில் இளைஞன் கடத்தப்பட்டதாக பொலிஸார் தெரிவித்தனர்.

வங்கிக் கணக்கில் வரவு வைக்கப்பட்ட பணம்

குறித்த இளைஞரை விடுவிக்க 53 இலட்சம் ரூபா பணம் கோரப்பட்டுள்ளது. பின்னர், இதுபற்றி பொலிஸாருக்கு தகவல் அளித்த தந்தை, மிரட்டி பணம் பறித்தவர்கள் கூறியபடி அவர்களது வங்கிக் கணக்கில் பணம் வரவு வைக்கப்பட்டுள்ளது.

பின்னர், கடத்தப்பட்ட இளைஞரை முச்சக்கர வண்டியில் அழைத்து வந்து இறங்கச் சென்ற போது, ​​சந்தேகத்தின் பேரில் இருவரை பொலிஸார் கைது செய்துள்ளனர்.

பணம் செலுத்திய சந்தேக நபர்களின் வங்கிக் கணக்கை முடக்கி மேற்கொள்ளப்பட்ட இந்த நடவடிக்கையில் மேலும் பல சந்தேக நபர்கள் கைது செய்யப்பட்டதாக பொலிஸார் குறிப்பிட்டுள்ளனர்.

எவ்வாறாயினும், இந்த கடத்தலில் தொடர்புடைய பிரதான சந்தேக நபரை கைது செய்ய மேற்கு குற்றப்பிரிவுக்கு பொறுப்பான பிரதி பொலிஸ் மா அதிபர் மற்றும் மேற்கு வடக்கிற்கு பொறுப்பான பிரதி பொலிஸ் மா அதிபர் தலைமையில் பல பொலிஸ் குழுக்கள் ஈடுபடுத்தப்பட்டுள்ளதாக பொலிஸார் தெரிவித்தனர்.